Creamos o noso mapa de Cangas.

Comezamos a pensar na idea de organizar unha ruta de sendeirismo para que entre todos coñezamos os diferentes espazos naturais que se nos ofrecen. A ruta 1 será polos arredores da fábrica- conserveira de Massó, na actualidade en ruinas.

Empregaremos a cámara fotográfica para retratar o que os nenos consideren de interese durante a ruta, e o mapa para orientarnos. Polo que decidimos facer o noso propio mapa para marcar o percorrido que imos facer en bus dende o cole ata a Fábrica de Massó. Tomamos como referencia o mapa que levamos manipulando dende o comezo deste proxecto. Traballamos en grupo cooperativo...consensuando o que se vai a plasmar, representando no papel, dando cor.....

Reparamos entre todos, nos elementos máis importantes que deben de aparecer ou naqueles que xa coñecen e forman parte da nosa ruta en bus. Tamén e debido ás súas apreciacións sobre o mapa e cos espazos naturais xa traballados na aula, deciden engadir aqueles que consideran significativos para a nosa vila.