Observamos detidamente as fotos antigas

cobertordeestrelas
15 abr 2015
1 Min. de lectura

Unha vez recibidas as fotos, o profesorado fixo unha selección de 10 tendo en conta os seguintes criterios:

- Fotografías do centro de Cangas

- Fotógrafías fundamentalmente non aéreas.

- Fotografías onde se poida identificar o lugar actual sen grandes dificultades.

Este era pois o noso primeiro obxectivo: que identificasen en que lugar foron feitas, xa que, co paso do tempo, o aspecto da nosa vila foise modificando. Así foi o desenvolvemento da actividade:

Por parellas ou tríos, observamos as fotos e respondemos por consenso ás preguntas que aparecían na ficha:

- Poñemos un título á foto.

- Que cores aparecen na fotografía?

- Cal é o elemento máis importante para o fotógrafo/a?

- Onde credes que se colocou o fotógrafo para

fotografar ese elemento?

- Enumerade que aparece na fotografía.

- En que palabras pensades cando vedes esta foto?

- Como vos sentides cando a vedes?

O/a secretario/a anotou os acordos que expón o/a portavoz.

Nun segundo momento, xa en gran grupo, proxectamos as fotos intentando chegar a acordos entre todos/as. A este respecto, contabamos con algunhas fotos actuais, tomadas dende o mesmo punto de vista das antigas, achegadas por unha familia e que nos permitiron comprobar se as nosas hipóteses eran axeitadas ou non.