Distribuíndo roles para a saída fotográfica

Cada grupo prepárase para a saída: marca no seu plano os lugares dende onde ten que tirar as fotos e pega as fotos antigas na parte de atrás

Para que cada quen tivese atribuída unha función, distribuímos os roles de cada un dos membros do grupo durante a saída:

Guía. Leva o plano de Cangas onde está marcado o itinerario do grupo e debe guiarnos polo camiño. Todo o grupo colabora con el/ela nesta tarefa. Material: plano de Cangas co itinerario grupal marcado.
Fotógrafo/a. Tira a foto dende a mesma perspectiva. A busca do punto onde debe facerse a foto e que entrará no encadre e que quedará fóra e unha decisión grupal. Material: tablet
Fotógrafo/a making of . Fotografía a actividade: dende o desprazamento ata o momento en que facemos a foto. Material: cámara de fotos
Secretario/a. Toma nota e fai un debuxo do que ve. Material: ficha de reflexión

Despois da actividade, unha vez na clase, o secretario/a tomará nota das reflexións que debe facer o grupo chegando a un consenso:

Foi difícil atopar o lugar da foto? Houbo algunha dificultade? Tivestes que pedir axuda?
Cambiou moito o lugar?
Que quedou dentro do voso encadre?
Que quedou fóra?
Parécese o encadre ó da foto antiga?
Como funcionou o grupo?