Elaboración en my maps dun percorrido polos achados prehistóricos do Morrazo
Este mapa forma parte da nosa Guía audiovisual para nenos “Móvete por Cangas”, cuxo obxectivo fundamental é dar a coñecer a nosa vila ó alumnado da Escola de Bordils e o CPI de Magán. Foi o primeiro paso para que os alumnos/as deseñasen e levasen a cabo de forma autónoma todas e cada unha das accións necesarias para realizar unha saída conxunta co alumnado dos tres centros polos achados prehistóricos da nosa comarca.
1.- Familiarizándose con My maps
Nunha sesión inicial, a profesora e unha alumna que ten experiencia no tema, indican nocións básicas sobre o manexo de My maps: como buscar un lugar, como situalo no mapa, como incluír unha foto e información, como calcular os km e o tempo do percorrido… Estas indicacións serán entregadas por escrito a cada alumno/a.
En casa practicarán creando un mapa que deben compartir coa profesora vía e-mail.
En clase, en gran grupo, farase a posta en común dos mapas individuais, indicando melloras.
2.- Elaborando por grupos o mapa do percorrido
Cada neno/a traerá a clase un listado de achados prehistóricos de Galicia.
En pequenos grupos (3 alumnos/as) fundirán os seus listados nun e clasificarán por separado os achados do Morrazo e os do resto de Galicia. Se teñen algunha dúbida, poderán buscar en internet cal é a súa ubicación concreta.
Unha vez feito o listado, un membro do grupo entrará no seu correo e creará un mapa que compartirá coa profesora e o resto dos compañeiros do grupo. Nese mapa por grupos irán situando os achados do seu listado utilizando un marcador, e incluíndo unha foto e unha pequena información de dúas ou tres frases sobre cada un.
Os grupos, ó longo do proceso, compartirán estratexias, especialmente neste intre sobre como determinar o punto exacto onde está ubicado un achado prehistórico se non aparece nas buscas de My maps.
Seleccionando os achados prehistóricos do Morrazo e creando o percorrido en my maps:
